L-Innu l-Kbir ta' San Duminku
Pacifiku Scicluna 1876 - 1957
Innu lil San Duminku huwa aktar magħruf mad-Dumnikani tal-Birgu bħala l-Innu l-Kbir. Huwa xogħol forma ta' kantata tal-ex-direttur mużikali ta' din il-Banda, Pacifiku Scicluna, li kitbu fis-sena 1907 u li aktar tard il-versi tiegħu ġew maqluba għall-Malti minn Patri Edward Bezzina OP. F'dan ix-xogħol insibu l-użu ta' tliet solisti, tenur, sopran u baxx flimkien ma' parti importanti kantata minn kor tat-tfal. Huma bosta x-xogħolijiet li ħalla Pacifiku Scicluna iżda bla dubju ta' Xejn il-kapulavur tiegħu huwa l-Innu lil San Duminku, l-Innu l-Kbir, li mhux ta' b'xejn huwa miżmum b'għożża kbira fl-arkivji mużikali ta' din l-Għaqda Filarmonika Prince of Wales Own.
Ġieħ lill-Għaqda Filarmonika Prince of Wales Own
tal-Birgu f'għeluq il-125 sena mit-twaqqif tagħha
Emanuel Spagnol 1963 -
Ġieħ, xogħol oriġinali ġdid u ddedikat lill-Għaqda Filarmonika Prince of Wales Own tal-Birgu f'għeluq il-125 anniversarju mit-twaqqif tagħha, 1891-2016. Dan ix-xogħol, li huwa wieħed deskrittiv, huwa minsuġ fuq it-tema oriġinali tal-innu uffiċjali ta' din il-banda flimkien ma' temi oriġinali oħra li jfakkru f'episodji li għaddiet minnhom din l-Għaqda tul iż-żmien. Ġieħ ġie esegwit għall-ewwel darba fl-okkażjoni tal-125 sena mit-twaqqif ta' din il-banda f'Awwissu tal-2016.
